Qendra për Arsim Profesional dhe Trajnim është themeluar me vendim të Qeverisë së R. së Maqedonisë (“Gazeta Zyrtare – R. e Maqedonisë” numër 87/06), si institucion publik ku duhet të përputhen dhe integrohen interesat publike dhe interesat e partnerëve socialë në arsimin profesional dhe trajnim në R.M si dhe të bëjë koordinimin dhe bashkëpunimin me institucionet dhe organizatat ndërkombëtare në fushën e arsimit profesional dhe trajnim (neni 31 nga Ligji për arsim profesional dhe trajnim “Gazeta Zyrtare – R. së Maqedonisë” numër 71/06 dhe 117/08).
Në bazë të nenit 32 nga Ligji i lartpërmendur, Qendra kryen punë profesionale nga fusha e përcjelljes, vlerësimit, avancimit, hulumtimit dhe zhvillimit të arsimit profesional dhe trajnimit, si dhe punë tjera në pajtueshmëri me Ligjin, aktit për themelim dhe statutin.
Qendra, kryesisht i kryen këto punë profesionale, si në vijim:
- – analizë dhe studim të sistemeve arsimore, posaçërisht të sistemeve për arsim profesional;
- analizë dhe studim të strukturës së sistemit tonë për arsim profesional dhe niveleve të ndryshme të arsimit profesional
- projektim të zgjidhjeve të reja sistemore dhe konceptuare për nivele dhe lloje të ndryshme nga arsimi profesional;
- inovacione në komponentët ekzistuese arsimore dhe propozime të zgjidhjeve të reja (programore, proceseve, organizuese, teknologjike, kuadrove, normativave, dhe ngjashëm);
- hulumtime të trendëve zhvillimore në arsimin profesional;
- hulumtim të tregut të krahut të punës;
- përgatitje, përcjellje dhe zhvillim të standardit të profesionit;
- zhvillim të kornizës nacionale të kualifikimeve profesionale;
- zhvillim të standardeve arsimore (profileve arsimore, plan-programeve arsimore);
- përkrahje të partneritetit social në të gjitha nivelet dhe fazat e planifikimit, zhvillimit dhe realizimit të arsimit profesional;
- përcjella e realizimit të plan-programeve arsimore;
- trajnimi i arsimtarëve nga lëndët profesionale;
- rekomandimi dhe instruktimi ndaj arsimtarëve;
- bashkëpunimi me institucionet ndërkombëtare dhe tjera.
Ministria e Arsimit dhe Shkencës jep pëlqimin për Programin vjetor për punë dhe Statutin e Qendrës.
Mjetet për realizimin e veprimtarisë së Qendrës sigurohen nga Buxheti i R. së Maqedonisë dhe të ardhurat personale nga shërbimet e dhëna.(neni 38 nga Ligji për arsim profesional dhe trajnim).
