Центарот за развој на стручното образование (ЦРСО) е професионална јавна установа која обезбедува поддршка и развој на стручното образование и на сите субјекти заинтересирани за стручното образование во Републиката (социјални партнери, образовни установи, ученици, наставници и други).
Мисијата на Центарот е да обезбеди квалитетно стручно образование и обука кое одговара на потребите на пазарот на трудот, да придонесе за зголемување на стапката на вработеност на младите и да ја подобри ефективноста и конкурентноста на стопанството.
Својата мисија Центарот ќе ја остварува создавајќи услови за воспоставување на флексибилен систем на стручно образование заснован на филозофијата на доживотното учење, што подразбира:
- постојана застапеност на стручното образование за сите членови на општеството;
- образование кое одговара на реалните потреби на учесниците и локалната средина;
- ширење можности за учење низ институционален, програмски и организациски плурализам и поврзување на формалното и неформалното образование;
- обезбедување квалитет и професионализам во реализацијата на стручното образование со општествена верификација на стандардите.
Центарот мисијата ја реализира особено преку:
- обезбедување квалитет на средното образование и следење на резултатите на учениците, наставниците и училиштата;
- подобрување на вертикалната и хоризонталната подвижност на учениците;
- исполнување на барањата на економијата за нови компетенции;
- поврзување на образованието со пазарот на трудот и создавање флексибилни врски;
- усовојување и иновирање на стандардите на занимања и образовни програми;
- воведување нови образовни програми;
- рамнотежа помеѓу општото и стручното образование;
- усогласени дипломи и сертификати со европски стандарди;
- развој на стандарди за занимања, институции и наставници;
- усогласување на мрежата на училишта со потребите на пазарот и политиката на вработување;
- обезбедување различни извори на финансирање на стручното образование.
